Nuranə Abıyeva

Abıyeva Nuranə 1994-cü ildə anadan olub. Bakı Dövlət Universitetinin Kitabxanaçılıq-informasiya fakültəsində bakalavr təhsili alıb.

2015-ci ildən etibarən eşitmə məhdudiyyətli şəxslərin danışıq dili olan "İşarə dili" üzrə tədbir, layihə, təlimlərin təşkilatçısı, aparıcı və təlimçisi kimi çalışır.

Uzun müddət fərqli sahələrdə işləsə də, artıq 1 ildir ki, İctimai televiziyanın "Sabahın xeyir, Azərbaycan" verilişinin əməkdaşı-müxbir və rubrikaların müəllifi və aparıcısı kimi fəaliyyətimi davam etdirir.

Yaradıcılıq sahəsində rəqs, idman də əsas yer tutduğu üçün bu sahələrdə də bir çox işlər və layihələr üzərində çalışıb və televiziya məkanında da bunu inkişaf etdirib.

Nuranə Abıyeva “Facebook”, “İnstagram”, və “Youtube”da məşhur olan bir sıra layihələrin müəllifidir. “Danışan əllər” adı ilə tanınan layihə belə məzmunlardan biridir. Eyni zamanda işarə dili, bədən dili, düzgün danışıq və diksiyaya aid video çarxlar çəkir, canlı yayımlar açır, seminarlar verir.

Hal-hazırda "Diksiya Akademiyası"nın təlimçisi kimi çalışmağa davam edir.